Foto: Ashyq derekkóz
Polısııa taratqan málimetke sáıkes, ol QR ÁQBtK-niń 434-baby («Usaq buzaqylyq») jáne 437-baby («Qoǵamdyq oryndardy lastaý») boıynsha jaýapkershilikke tartylǵan. Mamandandyrylǵan aýdanaralyq ákimshilik sottyń sheshimimen júrgizýshi 10 táýlikke qamaýǵa alynǵan.
«Bul sııaqty áreketter qoǵamdyq qaýipsizdikke qaýip tóndirip, tártipti buzady. Sondyqtan elordada buzaqylyq pen vandalızmniń aldyn alý sharalary úzdiksiz júrgizilip keledi», delingen habarlamada.
Qala ákimdiginiń málimetinshe, bıylǵy jyldyń basynan beri Astanada usaq buzaqylyq pen vandalızmge qatysty júzden astam azamat ákimshilik jazaǵa tartylǵan.
Sonymen qatar, «Zań jáne tártip» qaǵıdaty aıasynda polısııa prokýratýramen birlesip, vandalızmniń aldyn alýǵa erekshe nazar aýdaryp otyr. Qoldanystaǵy zańnamaǵa sáıkes, ózgeniń múlkin ádeıi búldirý nemese joıý áreketi úshin 60 AEK-ke deıin aıyppul salý nemese 30 táýlikke deıin qamaýǵa alý qarastyrylǵan.
