Foto: Ashyq derekkóz
Qazaqstannyń ulttyq derekter ortalyǵynyń jedel málimetinshe, 4 qyrkúıek kúni saǵat 12:15-te (Astana ýaqyty) Qytaı aýmaǵynda magnıtýdasy 5 baldyq jer silkinisi bolǵan.
Al Eýropa-Jerorta teńizi seısmologııalyq ortalyǵynyń dereginshe, jer silkinisiniń qýaty 4,6 balǵa teń. Kartadaǵy kórsetilimge saı, zilzalanyń epısentri Almatydan ońtústik-shyǵysqa qaraı 436 shaqyrym jerde ornalasqan. Qazaqstan aýmaǵynda silkinis sezilmegen.
Aıta keteıik, buǵan deıin, 2 qyrkúıek kúni Almatyda 2 baldyq jer silkinisi tirkelgen edi. Onyń epısentri de Qytaı aýmaǵynda, qaladan 319 shaqyrym qashyqtyqta bolǵan.
