Eksport • 04 Qyrkúıek, 2025

Qazaqstan sıyr etin eksporttaýǵa kvota engizdi

30 ret

kórsetildi

1 mın

oqý úshin

Premer-mınıstrdiń orynbasary – Ulttyq ekonomıka mınıstri Serik Jumanǵarınniń jetekshiligimen Syrtqy saýda saıasaty jáne halyqaralyq ekonomıkalyq uıymdarǵa qatysý jónindegi vedomstvoaralyq komıssııanyń (VAK) kezekti otyrysy ótti. Jıynda ishki naryqtaǵy baǵa turaqtylyǵyn saqtaý maqsatynda sıyr etin shetelge shyǵarý kólemine ýaqytsha shekteý engizilip jatyr, dep habarlaıdy Egemen.kz.

Qyrmyzy JUMAǴALIQYZY

Qazaqstan sıyr etin eksporttaýǵa kvota engizdi

Foto: Úkimettiń baspasóz qyzmeti

Kvota iri óndirýshilerge qoldanystaǵy kelisimsharttardy oryndaýǵa múmkindik berip, eksporttyq naryqtardy joǵaltpaýǵa jaǵdaı jasaıdy. Bul bastama Aýyl sharýashylyǵy mınıstrliginiń tıisti buıryǵymen bekitiledi.

Sonymen birge Qazaqstan aýmaǵynan avtokólik jáne temirjol arqyly benzın, dızel otyny men munaı ónimderiniń keıbir túrlerin áketýge tyıym salýdy uzartý týraly sheshim qabyldandy. Mundaı sharalar ishki naryqty otynmen turaqty qamtamasyz etýge baǵyttalǵan.

Budan bólek, 2026 jylǵy qańtardan bastap jeńil dıstıllıattar, avıasııalyq kerosın, dızel otyny, gazoıldar, tolýol, ksılol jáne munaı bıtýmyn EAEO aýmaǵynan tysqary eksporttaýǵa tyıym salýdyń merzimi taǵy alty aıǵa uzartylatyn boldy.