T. Súleımenov túsindirgendeı, bul banknottar birden jaramsyz bolyp qalmaıdy. Onyń aıtýynsha, paralleldi aınalymnyń standartty merzimi ádette 1-2 jyldy quraıdy.
«Munda alańdaýǵa esh negiz joq. Bul kýpıýralar aınalymnan birden alynyp tastalmaıdy, olar birtindep, jospar boıynsha aınalymnan shyǵady. Bankter jeke jáne zańdy tulǵalardan eski banknottardy qabyldap, Ulttyq banktiń saqtaý qoımasyna ótkizedi. Tipti bir jyldan, eki jyldan nemese úsh jyldan keıin de kimde eski 5000 teńge qalsa, Ulttyq banktiń oblystyq fılıalynda olardy sol nomınalǵa aıyrbastaýǵa bolady. Biz eski aqshany alyp, ornyna jańasyn beremiz. Bul jerde eshqandaı qıyndyq joq», dedi ol.
Aıta keteıik, 2024 jylǵy 11 qarashada Ulttyq bank 2011 jylǵy úlgidegi (eski) jáne 2023 jylǵy ózgertilgen dızaındaǵy (jańa) 5000 teńgelik banknottardyń paralleldi aınalym merzimin 2025 jylǵy 24 qyrkúıekke deıin uzartqan bolatyn.
