Almatyda gandboldan jastar arasyndaǵy Azııa chempıonaty bastaldy

ASTANA. 6 tamyz. Búgin Almatyda gandboldan jastar arasyndaǵy 13-shi Azııa chempıonaty bastaldy. «Dostyq» sport kesheninde jalaýy jelbiregen jarysqa tek áıelder komandalary qatysýda. Bul týraly Qazaqstan gandbol federasııasynyń baspasóz qyzmeti habarlady. Chempıonatta Qazaqstan, Japonııa, Ońtústik Koreıa, Iran, О́zbekstan jáne Tájikstannyń jastar quramalary baq synaıdy. Osy jarysta 2016 jyly Reseıde ótetin álem chempıonatyna joldama beriledi. Otandyq mamandar Qazaqstannyń fınalǵa shyǵatynyna zor senim artyp otyr. Sonymen qatar, bıyl keler jyly Rıo-de-Janeıroda ótetin Olımpıadaǵa irikteý saıystary ótetini belgili. Atap aıtqanda, osy jyldyń qazan aıynda Japonııada áıelder quramasy Olımpıada joldamasyn sarapqa salady. Al jastar quramasynda oınaıtyn qyzdarymyzdyń kópshiligi negizgi qurama sapynda da óner kórsetedi. Sol sebepti, biz úshin Almatydaǵy saıystyń mańyzy joǵary. Jastar arasyndaǵy Azııa chempıonaty 14 tamyzǵa deıin jalǵasady. Elaman Qońyr. Derek: Qazaqstan gandbol federasııasynyń baspasóz qyzmeti. Sýret: prosportkz.kz.