Forým BUU Bas hatshysynyń orynbasary, ESKATO atqarýshy hatshysy Armıda Salsııa Alısjabananyń beıneúndeýimen bastaldy. Ol BUU-nyń ODM jónindegi О́ńirlik ortalyǵyn Ortalyq Azııa men Aýǵanstan úshin iske qosýdyń mańyzdylyǵyn atap ótip, ony óńirlik kúsh-jigerdi tıimdi úılestirý jolyndaǵy mańyzdy qadam dep atady.
Is-sharaǵa úkimettik qurylymdardyń, halyqaralyq uıymdardyń, ǵylymı jáne saraptamalyq qoǵamdastyqtardyń ókilderi qatyssa, Qazaqstan atynan vıse-mınıstr Asan Darbaev bastaǵan Ulttyq ekonomıka mınıstrliginiń delegasııasy ókildik etti.
Vıse-mınıstr Qazaqstanda turaqty damý maqsattaryn ulttyq strategııalar men baǵdarlamalarǵa ıntegrasııalaý boıynsha júıeli jumys júrgizilip jatqanyn jetkizdi. Onyń aıtýynsha, ODM ulttyq ındıkatorlary bekitilgen. Ol memlekettik josparlaý qujattaryna mindetti túrde engiziledi. Asan Darbaev strategııalyq jáne bıýdjettik prosesterdiń úılesimdiligi resýrstardy basym mindetterdi iske asyrýǵa tıimdirek baǵyttaýǵa múmkindik beretinin de atap ótti.
Forýmda Qazaqstannyń ODM-dy ilgeriletýdegi tájirıbesine erekshe nazar aýdaryldy. UEM áleýmettik salany, quqyq qorǵaý jáne arnaıy organdardy damytý departamentiniń dırektory Nurgúl Jannazarova elimizdiń qalalar men óńirlerdiń turaqtylyǵyn qamtamasyz etý tásilderin usyndy.
Forým aıasynda erikti ulttyq sholýlardy daıyndaý boıynsha mamandandyrylǵan semınar ótti. Munda óńir elderi progresti baǵalaýda jáne ODM-ǵa qol jetkizý boıynsha odan arǵy qadamdardy anyqtaýda tájirıbe almasty.
Qazaqstandyq tájirıbeni Ekonomıkalyq zertteýler ınstıtýtynyń ODM hatshylyǵynyń dırektory Baqytgúl Hambar ortaǵa saldy. Ol «eshkimdi artta qaldyrmaý» qaǵıdatyna jáne jahandyq maqsattardy óńirler deńgeıinde oqshaýlaýǵa basty nazar aýdarylatyn úshinshi erikti ulttyq sholýdy daıyndaý týraly aıtty.
Semınarǵa qatysýshylar jurtshylyqty keń kólemde tartý jáne basymdyqtardy qalyptastyrý kezinde suraý salý málimetterin paıdalanýdyń qazaqstandyq tájirıbesin joǵary baǵalady.
Sarapshylardyń pikirinshe, mundaı tásil ODM-ǵa qol jetkizý prosesin neǵurlym ashyq jáne azamattardyń naqty qajettilikterine baǵdarlaýǵa múmkindik beredi.
