Foto: Qyrmyzy Jumaǵalıqyzy
Densaýlyq saqtaý mınıstrliginiń habarlaýynsha, Qazaqstan búginde álemniń jetekshi medısınalyq ortalyqtarymen teń dárejede biregeı jáne kúrdeli operasııalardy sátti oryndap keledi. Júrek pen ókpeni almastyrý, sondaı-aq úshjaqty aıqaspaly búırek transplantasııasy jasalatyn memleketterdiń qatarynda Qazaqstan bar.
Aıta keteıik, mundaı joǵary tehnologııalyq otalardy jasaı alatyn elder sany álem boıynsha altydan aspaıdy.
Sonymen qatar mı aýrýlaryn emdeý úshin «Gamma-pyshaq» tehnologııasy qoldanylady, al onkologııalyq dertterdi emdeýde protondyq terapııa engizilip jatyr.
«Aýylda densaýlyq saqtaýdy jańǵyrtý» ulttyq jobasy aıasynda josparlanǵan 655 medısınalyq nysannyń 511-i paıdalanýǵa berilgen.
«Bul nysandar buryn medısınalyq obektilermen qamtylmaǵan aýyldarda, sondaı-aq eskirgen jáne beıimdelmegen úı-jaılardyń ornyna salynýda. Bul ortalyqtar 1 mıllıonǵa jýyq aýyl turǵyndaryn medısınalyq qyzmettermen qamtıdy», dedi Densaýlyq saqtaý mınıstri Aqmaral Álnazarova.
Sondaı-aq elimizdegi 36 oblystyq aýrýhana men 17 perınataldyq ortalyqta keshendi jańǵyrtý jumystary júrgizilip jatyr. Balalar bólimshelerindegi tósek-oryn sany 38%-ǵa artqan. 2,1 myńnan astam medısınalyq jabdyq satyp alynyp, jaraqtandyrý deńgeıi 62%-dan 86%-ǵa deıin ósken.
