EO-nyń básekelestik máseleleri jónindegi komıssary Tereza Rıbera «Shynaıy erkindik bári teń jaǵdaıda básekege túskende jáne azamattarda tańdaý quqyǵy tolyq saqtalǵanda ǵana bolady» dep málimdedi.
Google-ge bul tájirıbeni toqtatyp, jaǵdaıdy túzetý tapsyryldy. Kompanııa 60 kún ishinde Eýrokomıssııaǵa naqty jospar usynýy kerek.
Alaıda Google aıyppulmen kelispeı otyr. Kompanııanyń vıse-prezıdenti Lı-Enn Malholland:
«Eýrokomıssııa negizsiz aıyppul salyp otyr jáne talap etip otyrǵan ózgerister myńdaǵan eýropalyq kompanııalardyń tabysyn qıyndatady. Jarnama berýshiler men satyp alýshylarǵa qyzmet kórsetýde eshqandaı básekege qarsy áreket joq, balama qyzmetter burynǵydan da kóp», dedi.
Buǵan deıin Kalıfornııa soty Google kompanııasyna paıdalanýshylardyń derekterin zańsyz jınaǵany úshin 314 mıllıon dollar aıyppul salǵan. Bloomberg dereginshe, Android qoldanýshylarynyń derekteri kelisimsiz jınalǵan.
