Foto: sputnik.kz
«Bul úrdis búkil álemde qalyptasqan tártipti jáne adamdardyń ómir súrý saltyn birjola ózgertýde. Biz buǵan daıyn bolyp, batyl áreket etýimiz kerek. Áıtpese artta qalýdyń saldary óte aýyr bolady. Sondyqtan men aldymyzǵa óte mańyzdy strategııalyq maqsat qoıdym. Qazaqstan 3 jyl ishinde mindetti túrde jappaı sıfrlyq el bolýy kerek», dedi Prezıdent.
Q.Toqaev JI negizinde ekonomıkany modernızasııalaý qajet ekenine toqtalyp, alǵashqy qadamdy sıfrlyq kodeks qabyldaýdan bastaýǵa tapsyrma berdi. Sondaı-aq, Prezıdent qazirgi quzyrly mınıstrlik negizinde Jasandy ıntellekt jáne sıfrlyq damý mınıstrligin qurýdy usyndy.
«Jańa mınıstrlikti Premer-mınıstrdiń orynbasary deńgeıindegi maman basqarý kerek. Úkimet ekonomıkanyń barlyq salasyn jańǵyrtý úshin jappaı jasandy ıntellekti engizý qajet. Qazaqstandy básekege qabiletti el retinde damytamyz desek, jumysymyzdy jańasha tásilmen júrgizýimiz kerek», dedi Memleket basshysy.
