Kollajdy jasaǵan – Qonysbaı ShEJIMBAI, «EQ»
«Qazirgi tańda jobalardy Ulttyq qor esebinen qarjylandyrý kezinde sıfrlyq teńgeni qoldanyp júrmiz. Endi onyń qoldaný aıasyn odan ári keńeıtý qajet. Sıfrlyq teńgeni respýblıkalyq jáne jergilikti bıýdjette memlekettik holdıngterdiń bıýdjetinde paıdalanýǵa bolady», dedi Prezıdent.
Sonymen qatar Qasym-Jomart Toqaev qazirgi zaman talabyna saı krıptoaktıvterge erekshe kóńil bólý keregin atap ótti. Onyń sózinshe, jappaı sıfrlandyrý, sonyń ishinde - bank salasyn sıfrlandyrý kóptegen paıda ákeledi, biraq belgili bir qaýip-qaterlerdi de týdyrady.
«Jappaı sıfrlandyrýdyń sonyń ishinde bank salasyn sıfrlandyrý isiniń paıdasy kóp ekeni sózsiz. Biraq onyń qaýip-qateri de az emes. Sońǵy jyldary onlaın alaıaqtyq memlekettiń jáne azamattardyń qarjylyq qaýipsizdigine úlken nuqsan keltirip jatyr. Sondyqtan keıbir qylmyspen kúresi úshin antıfrot ortalyǵy quryldy. Bıometrııalyq anyqtaý júıesi engizildi. Bankterdiń mıkroqarjy uıymdary jáne baılanys operatorlarynyń jaýapkershiligi kúsheıdi. Degenmen, bul máselelerge únemi jiti nazar aýdarý kerek», dedi Memleket basshysy.
Sondaı-aq Prezıdent quzyrly organdardyń jumysyn udaıy jetildirip, keıbir qylmystardyń aldyn-alýǵa múmkindik beretin barynsha ıntellektýaldy júıe qurý kerek ekenin, qajet bolsa tıisti zańǵa jáne quqyq qorǵaý organdarynyń qyzmetine ózgerister engizgen jón ekenin atap ótti.
