Q.Toqaev bul baǵytta keıingi 5 jylda nátıjeli jumystar atqarylyp jatqanynyn atap ótip, oń baǵa berdi.
«О́ńdeý ónerkásibiniń jalpy qosymsha quny 2 ese ósip, 17 trln teńgege jýyqtady. Onyń jalpy ishki ónimdegi úlesi 12, 4 paıyzǵa jetti. Byltyrdyń ózinde 163 jańa óndiris iske qosyldy. Sonyń nátıjesinde 12, 5 myń turaqty jumys orny ashyldy. Mysaly, Almaty, Qostanaı, Qaraǵandy, Atyraý oblystarynda mashına jasaý jáne metallýrgııa salasyndaǵy iri kásiporyndar ashyldy. Bıyl Almatyda ártúrli avtokólikter shyǵaratyn Qazaqstandaǵy eń úlken óndiris orny jumysyn bastady», dedi Prezıdent.
Memleket basshysy bul kórsetkishter áli de jetkiliksiz ekenine toqtalyp, ishki, syrtqy básekege tótep beretin tereń óńdelgen ónim óndirýge basymdyq berýdi tapsyrdy. Qazir osy salada atqarylyp jatqan jumystardyń júıesiz ekenin jetkizdi.
«Qoldaý sharasyn ustanymdary men talaptary ártúrli ınstıtýttar júzege asyrady. Mundaı ahýal kásipkerlerdi ábden shatastyrady. Bul sharany retke keltirip, úılestirý jumysyn tolyǵymen qolǵa alý kerek», dedi Q.Toqaev.
