Foto: ashyq derekkóz
«Men buǵan deıin áýe júk tasymaly kólemin eki ese arttyrýdy tapsyrǵanmyn. Muny eń aldymen iri sheteldik seriktesterdi tarta otyryp, ulttyq júk tasymaldaýshyny qurý arqyly júzege asyrýǵa bolady. Elektrondy kommersııanyń damýy men joǵary tehnologııalyq ónimderdiń jetkizilimi jaǵdaıynda áýe kargo – joǵary tabysty ári asa qajet segment», dedi Toqaev.
Memleket basshysy halyqaralyq logıstıkalyq tizbekterge kirige otyryp, elimizde áýe habyn belsendi damytý qajettigin aıtty. Sonymen qatar bul saladaǵy tasymaldar men eksportty retteý isinde tártip ornatýdy, tutynýshylardyń múddesin qorǵaýdy talap etti.
Álemde júk jetkizýdiń zamanaýı túrleri – arnaıy drondar, júrgizýshisiz kólikter damyp kele jatqanyn tilge tıek etken Prezıdent Úkimetke mundaı tehnologııalardy jedel engizýge jaǵdaı jasaýdy tapsyrdy.
«Elimiz Eýrazııadaǵy áýe logıstıkasynyń basty torabyna aınalýy tıis. Bul – strategııalyq mindet. Osy iske úzdik mamandar men kásipkerlerdi tartý qajet. Negizgi jaýapkershilik Úkimetke júkteledi. Tapsyrmalardyń oryndalý barysyn Úkimettiń jyldyq esebinen keıin arnaıy jınalysta qaraımyz», dedi Qasym-Jomart Toqaev.
