«Joldaýda jeti baǵytqa aıryqsha nazar aýdaryldy. Olar: ınvestısııalyq saıasat, ónerkásipti nyǵaıtý, agrarlyq sektordy damytý, kólik jáne týrızm salasyn órkendetý, turǵyn úı-kommýnaldyq sharýashylyǵyn jańǵyrtý, kásipkerlikti qoldaý jáne adamı kapıtaldy jetildirý. Bul sharalardyń barlyǵy turaqty ári serpindi ekonomıkalyq ósim qalyptastyrýǵa baǵyttalǵan. Nátıjesinde árbir azamattyń ómir sapasyn jaqsartýǵa múmkindik beredi», – dedi Nursultan Baıtilesov.
Depýtattyń aıtýynsha, Joldaýda sıfrlyq transformasııanyń mańyzdylyǵy da erekshe atap ótildi.
«Prezıdent sıfrlandyrýdy el ómiriniń barlyq salasyn jańǵyrtýdyń negizgi ózegi dep atady. Jasandy ıntellektini engizý men sıfrlandyrý múmkindikterin arttyrý jańa Sıfrlyq kodekstiń irgetasy bolady. Bul qujat jasandy ıntellekt pen platformalyq ekonomıkany paıdalanýdyń negizgi baǵyttaryn aıqyndaıdy. Mundaı qadamdar ulttyq ekonomıkanyń básekege qabilettiligin arttyrady», – dedi ol.
Sonymen birge kıberqaýipsizdik máselesi de nazardan tys qalǵan joq.
«Memleket basshysy kıberqaýipterge qarsy jańa ıntellektýaldy júıe qurýdy tapsyrdy. Bul azamattardyń derekterin qorǵap, qarjylyq operasııalardyń turaqtylyǵyn qamtamasyz etýge baǵyttalǵan keshendi sharalardyń mańyzdy bóligi. Mundaı qadamdar bıznes júrgizýde jáne azamattardyń kúndelikti ómirinde ashyqtyqty, qaýipsizdikti jáne senimdilikti nyǵaıtyp, elimizdiń jahandaný dáýirindegi turaqty damýyna negiz bolady», – dedi Májilis depýtaty.
