Jumysshy mamandyǵynyń mártebesi artady

Biz kún saıyn el ekonomıka­synyń negizin qurap otyrǵan óndiris salasynda, elimizdiń baılyǵyn halyq ıgiligine aınaldyrý jolynda eńbek etip júrmiz. Qoǵam jańǵyrýy úshin eńbek adamynyń sanasy, bolmysy da jańǵyrýy kerek. Bizge tek munaı óndirip qoımaı, tehnologııalyq tártipti, ekologııalyq jaýapkershilikti, qaýipsizdik mádenıetin de birge damytý mindeti júktelip otyr.

Prezıdent Joldaýda refor­malardyń sal­maq­ty ári sapaly túr­de júzege asyrylýy kerektigin basa aıtty. Bul sózder bizdiń salada da óte ózekti. Mu­naı-gaz – kúrdeli ári úne­mi jańaryp otyrýdy qa­jet etetin sala. Son­dyq­tan biz de jańa tá­sil­d­ermen jumys isteý­ge beıimdelip, sıfr­­lyq she­shimderdi meń­­ge­­rip, qaýip­sizdik pen tıim­di­lik­ti birinshi orynǵa qoıýymyz kerek.

Sondaı-aq Prezıdenttiń óskeleń urpaq baqytty jáne berekeli ómir súrýge tıis degen sózi meni erekshe tolǵandyrdy. О́ıtkeni biz eńbek etip júrgen óndiris tek búgingi kún úshin emes, erteńgi urpaq úshin jumys istep keledi. Búgingi bizdiń tabandy eńbegimiz – bolashaqtyń irgetasy.

Elde jańa óndiris oryndary ashylyp, ınfraqurylym damyp, ınvestısııa tartylyp jatyr. Biz bul ju­mysty tek syrttaı baqylaýshy emes, tikeleı atqarýshy re­tinde qabyldaımyz. Ár­bir barrel munaı, ár­bir ınjenerlik sheshim – el da­mýyna qosylǵan naqty úles.

Prezıdentimiz Jol­daýda «Jumysymyz qanshalyqty kúrdeli bolsa da, biz mindetti túrde tabysqa jetýimiz kerek. Basqa jol joq. Sebebi bul – eli­mizdiń bolashaǵy, halqymyzdyń taǵ­dyry», dep atap ótti. Bul – jaı sóz emes, bul – naǵyz eńbek adamyna ar­nal­ǵan úndeý. Sol úndeý aıasynda biz el ıgiligi úshin adal eńbek ete beremiz.

Osy oraıda Memleket basshysy jumysshy mamandyqtaryna degen qurmetti arttyra túsý – memlekettiń negizgi mindetteriniń biri ekenin de alǵa qoıdy. Shyn máninde, bul – óndirispen tikeleı aınalysyp júrgen biz sekildi eńbek adamdary úshin úlken qoldaý ári jańa múmkindikter kezeńi. Memleket tarapynan kórsetiletin mundaı nazar jumysshy mamandy­ǵynyń mártebesin kóterip, keleshek urpaqty eńbekke degen qurmet­pen tárbıeleýge yqpal etedi. Sondyqtan jumysshy eńbegin baǵalaý, jas­tardy naqty óndiris salasyna tartý, olardy turaqty qoldaý – barsha qoǵamnyń, ásirese eńbek ujymdarynyń aldynda turǵan mańyzdy mindetterdiń biri.

Gúlshara OŃDAShEVA,

«Embimunaıgaz» AQ «Jylyoımunaıgaz» MGО́B

Munaı-gaz ken ornyn ıgerý jáne geologııa bóliminiń geologi