Prezıdent bul bastamany júzege asyrý úshin eń aldymen mektep oqýshylaryna arnalǵan jasandy ıntellekt negizderi týraly baǵdarlama men oqý materıaldaryn ázirleý qajet ekenin jetkizdi. Sonymen qatar balaǵa sabaq beretin ustazdardyń jasandy ıntellekt tehnologııasyn meńgerý daǵdysyn da qalyptastyrý kerek bolatynyna toqtaldy.
Qashyqtan oqytý tásili men jasandy ıntellekt tehnologııasy negizinde «Qazaq digital mektebi» atty shaǵyn jınaqty mektep úlgisin ázirleý aýyldaǵy oqýshylardy sapaly bilimmen qamtamasyz etýge múmkindik beredi. Bul platforma olardyń zamanaýı bilim alýyna qol jetkizip qana qoımaı, sıfrlyq saýatyn da arttyrýǵa jol ashpaq. Nátıjesinde, oqýshy men muǵalim arasyndaǵy qarym-qatynas jeńildeıdi, oqý materıaldaryn meńgerý úderisi jyldam ári tıimdi bolady.
«Keleshek mektepteri» jobasy – bilim úderisine ınnovasııa men sıfrlyq múmkindikterdi engizýdiń naqty qadamy. Bul joba aıasynda oqý kabınetteri jańaryp, jańa tehnologııalarmen jabdyqtalǵanyn, ınteraktıvti quraldar men sıfrlyq resýrstar qoljetimdi bolyp jatqanyn aıtty. Bunyń nátıjesin ózimiz de kórip jatyrmyz.
Biz, ustazdar qaýymy, Memleket basshysynyń atalǵan bastamalaryn qoldap, onyń júzege asýyna óz úlesimizdi qosa beremiz. О́ıtkeni sanaly da sapaly urpaq ósirý – bárimizdiń ortaq mindetimiz. Búgingi oqýshy – erteńgi el tutqasyn ustaıtyn azamat. Olardyń bolashaǵy úshin árbirimiz jaýaptymyz.
Gúlnazııa BAIULOVA,
№9 «Zerde» mamandandyrylǵan lıseı dırektorynyń oqý isi jónindegi orynbasary
