Foto: Ashyq derekkóz
Eńbek jáne halyqty áleýmettik qorǵaý mınıstrliginiń málimetinshe, jyl basynan beri múgedektigi bar azamattar Áleýmettik qyzmetter portaly arqyly 427,1 myńnan astam ótinish berip, qajetti quraldar men qyzmetterin alǵan. Onyń ishinde shamamen 319 myń adam ońaltýdyń tehnıkalyq quraldarymen qamtamasyz etilse, 8,3 myń adamǵa ymdaý tili mamandarynyń kómegi kórsetildi. Budan bólek, 25,5 myń adam jeke kómekshi qyzmetin paıdalandy, al 74,3 myń adam sanatorıılik-kýrorttyq em qabyldady.
«Portal múgedektigi bar adamdarǵa ońaltýdyń tehnıkalyq quraldary men qyzmetterin óndirýshini jáne jetkizýshini óz betinshe tańdaýǵa múmkindik beredi. Kómek túrine tapsyrys berý kórsetiletin qyzmetti alýshynyń elektrondyq sıfrlyq qoltańbasymen rastaý arqyly júzege asyrylady. Tapsyrys berilgen ońaltýdyń tehnıkalyq quraldaryn jetkizý nemese óz betinshe áketý arqyly alýǵa bolady. Múgedektigi bar adamdardy ońaltý quraldarymen qamtamasyz etý protezdik-ortopedııalyq, sýrdotehnıkalyq, tıflotehnıkalyq jáne gıgıenalyq quraldar, sondaı-aq kreslo-arbalar berýdi qamtıdy», delingen habarlamada.
Qazirgi ýaqytta Portalda 629 arnaýly áleýmettik qyzmet kórsetýshi, 1036 tehnıkalyq qural jetkizýshi, 32 myńnan astam jeke kómekshi, 749 ymdaý tili mamany jáne 133 sanatorıılik-kýrorttyq uıym tirkelgen.
Portaldy qoldaný boıynsha suraqtar týyndaǵan jaǵdaıda azamattar 1414 biryńǵaı baılanys ortalyǵyna habarlasa alady.
