Foto: Ashyq derekkóz
Mınıstrdiń habarlaýynsha, 2029 jylǵa qaraı jalpy ishki ónimdi eki ese ulǵaıtý josparlanǵan. Osy maqsatqa jetý úshin memleket ınvestısııalyq belsendilikti qoldap, ekonomıkalyq ósýdiń jedel qarqynyn qamtamasyz etedi.
«Úkimet jahandyq básekege qabiletti eksporttyq óndirister qurýǵa basymdyq beredi: avtomobıl jasaý, temirjol mashınalary óndirisi, hımııa jáne munaı-hımııa ónerkásibi, sırek kezdesetin metaldar men mıneraldyq-shıkizat bazasyn tolyqtyrý, sondaı-aq agroónerkásiptik keshen ónimderin qaıta óńdeý sııaqty baǵyttar», dedi Serik Jumanǵarın.
Vıse-premer atap ótkendeı, bul baǵyttar ekonomıkanyń ósýin jedeldetýge septigin tıgizedi.
«Salalyq mınıstrlikter men ákimdikter naryqty naqty zerttep, ınvestısııa qajettilikterin anyqtap, jobalardyń boljamdy ornalasýyna qaraı tizimin jasaıdy. «Investısııaǵa tapsyrys» jobasynyń jalpy somasy 5 trln teńgeden asady. Jobalardy taldaý, qurylymdaý jáne ınvestısııa tartý jumystary «Báıterek» holdıngi arqyly júrgiziledi», dedi mınıstr.
Sonymen qatar, Úkimet basshysynyń orynbasary Joldaýda kórsetilgen basty baǵyttardy atap ótti:
- Jańa ınvestısııalyq sıkldi engizý;
- Alatau City qalalyq jobasyn damytý;
- Inflıasııamen kúresý;
- Importqa táýeldilikti azaıtý;
- Ekonomıkany yryqtandyrý jáne kásipkerlikti qoldaý.
