Foto: Ashyq derekkóz
Áleýmettik jelilerde taraǵan sýretterden avtobýstyń ústińgi palýbasynyń aldyńǵy bóliginiń tolyq qıraǵanyn jáne metall konstrýksııasynyń qatty zaqymdanǵanyn baıqaýǵa bolady. Oqıǵa ornyn tótenshe jaǵdaılar qyzmeti qorshaýǵa alyp, tekserý júrgizip jatyr.
Prokýratýra habarlaýynsha, qaza tapqandardyń jeteýi áıel, úsheýi er adam. Keıbir zardap shekkender aýyr halde aýrýhanaǵa jetkizilgen.
Aıta keteıik, Latyn Amerıkasynda avtobýstar qatysatyn jol apattary jıi kezdesedi. Meksıka úkimetiniń 2023 jylǵy derekterine sáıkes, elde 12 myńnan astam jol-kólik oqıǵasy tirkelip, 6 400 adam jaraqat alǵan, 1 900 adam qaıtys bolǵan. Al aqpan aıynda Kankýnnan Tabaskoǵa baratyn avtobýs júk kóligine soǵylyp, 40-tan astam adam qaza tapqan edi.
