Foto: Ashyq derekkóz
Taıshan qalasynda 182 mektep pen balabaqsha ýaqytsha jumysyn toqtatqan. Oqý oryndaryndaǵy 120 myńnan astam oqýshy sabaqtan bosatylǵan. Al Szıanmen qalasynda qaýipti aımaqtardan 41 myńnan astam turǵyn evakýasııalanǵan.
Apat saldaryn azaıtý úshin Szıanmende 43 erikti teńiz qutqarý jasaǵy qurylyp, 30 keme daıyn tur. Taıshanda 3,3 myńnan astam qutqarýshy táýlik boıy kezekshilik etýde. Iаnszıan qalasynda turǵyndarǵa arnalǵan ýaqytsha baspanalar ashylǵan.
Sınoptıkterdiń málimetinshe, Szıanmen mańynda jeldiń jyldamdyǵy sekýndyna 30 metrge deıin jetken. Qatty daýyl nóser jańbyrmen birge júrip, kólik qatynasyna qıyndyq týdyryp otyr.
Boljam boıynsha, «Tapa» soltústik-batysqa qaraı saǵatyna 20 shaqyrym jyldamdyqpen jyljyp, birtindep kúshin joǵaltady.
Aıta keteıik, bul Qytaıdy bıyl soqqan 16-shy taıfýn. Qolaısyz aýa raıyna baılanysty poıyz ben parom qozǵalysy ýaqytsha toqtatyldy.
