Foto: Ashyq derekkóz
Áleýmettik jelilerde «Aspan Sıtı» turǵyn úı kesheninde qaıǵyly oqıǵa oryn alǵany týraly aqparat tarady. Aldyn ala málimet boıynsha, 20 jastaǵy jigit 12-qabattaǵy balkonnan qulap ketken.
Atalǵan derekti Almaty oblystyq polısııa departamenti rastady. Vedomstvonyń málimetinshe, oqıǵa 8 qyrkúıek kúni Besaǵash aýylyndaǵy turǵyn úı keshenderiniń birinde bolǵan. Marqum Almaty qalasynyń turǵyny ekeni anyqtalǵan.
«Qazirgi ýaqytta barlyq mán-jaıdy anyqtaý úshin keshendi tergeý amaldary júrgizilip jatyr. Aldyn ala boljam boıynsha, er adamnyń óz-ózine qol jumsaýǵa birneshe ret árekettengeni joqqa shyǵarylmaıdy», delingen habarlamada.
Quqyq qorǵaý organdary qaıǵyly jaǵdaı boıynsha qylmystyq is qozǵalǵanyn málimdedi. Tergeý qorytyndysy boıynsha zań talaptaryna sáıkes prosessýaldyq sheshim qabyldanady.
