Bıylǵy dodaǵa Túrki memleketteri uıymyna múshe Qazaqstan, Ázerbaıjan, Qyrǵyzstan, Túrkııa jáne О́zbekstan stýdent-sportshylary qatysty. Ýnıversıada baǵdarlamasyna voleıbol, fýtzal, ústel tennısi, shahmat, dzıýdo, erkin kúres jáne grek-rım kúresi sekildi 7 sport túri endi.
Barlyǵy 5 elden 450 delegat qatysqan jarysta Qazaqstan quramasyn 15 joǵary oqý ornynan jınalǵan 66 sportshy tanystyrdy. Olar barlyq sport túrinen synǵa tústi.
Qorytyndysy boıynsha qazaqstandyq stýdentter 8 altyn, 4 kúmis jáne 11 qola medal ıelenip, jalpy sany 23 júlde qorjynǵa saldy.
Kelesi IV Túrki ýnıversıadasy 2027 jyly Túrkııa Respýblıkasynda ótedi.
