Qýatty qurylǵy bir sekýndta kvıntıllıon operasııa oryndaı alady. Bul – bir mezette 10 mıllıonnan astam noýtbýktiń jumys isteýine teń kórsetkish. Sýperkompıýterdi jasaýǵa «Atos» pen «ParTec» kompanııalary atsalysqan. Joba «Nvidia» prosessorlarynyń negizinde qurastyrylǵan.
Germanııa kansleri Frıdrıh Merstiń aıtýynsha, bul bastama Eýropanyń AQSh pen Qytaıdy jasandy ıntellekt salasynda qýyp jetýge kómektesedi. «Jupiter» tek IT salasynda emes, bıotehnologııa, klımattyq zertteýler, basqa da strategııalyq mańyzdy baǵyttarda qoldanylady.
Sarapshylardyń pikirinshe, mundaı qadam Eýropanyń sheteldik sıfrlyq qyzmetterge táýeldiligin azaıtyp, óz ǵylymı jáne tehnologııalyq áleýetin nyǵaıtýǵa múmkindik beredi.
