Eńbek • 10 Qyrkúıek, 2025

Qazaqstanda jumysshylarǵa 1,2 mlrd teńge ótemaqy tólendi

80 ret

kórsetildi

1 mın

oqý úshin

2025 jylǵy 1 qyrkúıektegi málimetke sáıkes, memlekettik eńbek ınspektorlary respýblıka boıynsha 257 kásiporynda 3,7 myńnan astam jumyskerge 1,4 mlrd teńge kóleminde jalaqy berilmegenin anyqtady. Budan bólek, júrgizilgen tekserýler nátıjesinde eńbek zańnamasynyń 4,7 myńnan astam buzýshylyǵy tirkelgen, dep habarlaıdy Egemen.kz.

Qyrmyzy JUMAǴALIQYZY

Qazaqstanda jumysshylarǵa 1,2 mlrd teńge ótemaqy tólendi

Foto: Erlan Omar

Eńbek jáne halyqty áleýmettik qorǵaý mınıstrliginiń habarlaýynsha, eńbek quqyǵyn buzǵan jáne jalaqy boıynsha bereshegi bar kásiporyndardyń basshylaryna 2 602 uıǵarym berilip, 332 mln teńgeden astam aıyppul salynǵan.

«Qabyldanǵan sharalardyń, onyń ishinde jalaqy boıynsha bereshekti óteýdiń qatań kesteleri men merzimderin belgileýdiń nátıjesinde 3 437 myń jumyskerdiń quqyqtary qorǵaldy. Olarǵa 1,2 mlrd teńge tólendi», delingen habarlamada.

Sonymen qatar 2025 jylǵy 1 qyrkúıekke deıin eńbek ınspektorlary 4 013 tekserý júrgizgen. Nátıjesinde 4 706 zań buzýshylyq anyqtalǵan. Olardyń ishinde eńbek qatynastaryna qatysty – 3 965, eńbek qaýipsizdigi men eńbekti qorǵaý salasynda – 721, halyqty jumyspen qamtý boıynsha – 20 jaǵdaı tirkeldi.

Atqarylǵan sharalardyń nátıjesinde 30 myńnan astam jumyskerdiń eńbek quqyqtary qorǵalǵan.