Mınıstrdiń aıtýynsha, búginde shetelde eńbek etkisi keletin qazaqstandyqtardy aqparattandyrý jumystary belsendi júrgizilip keledi. Atap aıtqanda, migration.enbek.kz portaly iske qosylǵan. Onda azamattar ózine qajetti el týraly málimet, eńbek zańnamasy, sondaı-aq eńbek quqyǵyn qorǵaý úshin qandaı qadam jasaý kerektigi jóninde aqparat ala alady.
Svetlana Jaqypova eń aldymen zańsyz mıgranttardyń jaǵdaıy alańdatatynyn jetkizdi.
«Bizdiń alańdatarlyq jaıt – shetelde júrgen zańsyz mıgranttarymyzdyń jaǵdaıy. Men olardy elge oralyp, qujattaryn tolyq rásimdep, zańdy túrde jumys isteýge shaqyramyn», dedi ol.
Sonymen qatar, mınıstr qazaqstandyqtardyń shetelde eńbek quqyqtaryn qorǵaý úshin memleketaralyq kelisimder jasalyp jatqanyn atap ótti. Jaqynda Katarmen kelisim ratıfıkasııalandy. Bul qujat Qazaqstan azamattaryna resmı túrde jumys isteýge múmkindik berip, olardyń quqyqtarynyń qorǵalýyna kepildik beredi.
«Mundaı kelisimder – alǵashqysy da, sońǵysy da emes. Qazirgi tańda kezekte toǵyz kelisim tur. Onyń ishinde jaqyn jáne alys shetel memleketterimen jasalǵan qujattar bar, keıbiri qol qoıylyp, kúshine endi», dedi Svetlana Jaqypova.
