Foto: tass.ru
Aqparatqa sáıkes, Nepalmen shekaradaǵy barlyq ýchaskelerde qosymsha kúzet qoıylyp, táýlik boıy baqylaý júrgizilgen. Jaǵdaıdy qadaǵalaý úshin drondar paıdalanylyp, shekara mańyndaǵy joldarda patrýl kúsheıtildi. Ásirese baqylaý-ótkizý pýnktterindegi bet-álpetti taný júıesiniń jumysyna basa nazar aýdarylǵan.
PTI dereginshe, qazirgi ýaqytta úndi-nepal shekarasynda jaǵdaı qalypty. Týrıstik saparlarǵa resmı shekteýler qoıylmaǵanymen, Úndistannan Nepalǵa baratyn týrıster sany aıtarlyqtaı azaıǵan.
Esterińizge sala keteıik, 4 qyrkúıekte Nepal úkimeti eldiń baılanys jáne aqparattyq tehnologııalar mınıstrliginde belgilengen merzimde tirkelmegen birqatar messendjer men áleýmettik jelilerdiń jumysyn shekteý týraly sheshim qabyldaǵan. Osydan keıin 8 qyrkúıekte Katmandýda jáne basqa da iri qalalarda myńdaǵan adam qatysqan jappaı narazylyq aksııalary bastalǵan. Qoǵamdyq tártipti qamtamasyz etý úshin ásker engizilip, shekteýsiz komendanttyq saǵat jarııalanǵan. Sherýshiler men polısııa arasyndaǵy qaqtyǵys kezinde 19 adam qaza taýyp, 100-den astamy jaralanǵan.
