Azertag agenttigi habarlaǵandaı jınalǵan qarajat azamattardyń vıdeoıyndardy shamadan tys qoldanýynan týyndaıtyn psıhologııalyq jáne áleýmettik densaýlyq máselelerin emdeýge baǵyttalmaq. Úkimettiń esebinshe, jańa salyq shamamen 10 mıllıon dollar kiris ákelýi múmkin.
Qarjy mınıstri Edgar Amadordyń aıtýynsha, bul shara temeki men tátti sýsyndarǵa salynǵan aksızder sekildi salyq saıasatyna emes, densaýlyq saqtaý jáne qaýipsizdik salasyna qatysty bastama bolyp sanalady. Vedomstvo 8% mólsherleme belgileýdi usyndy.
Mınıstrliktiń bıýdjet jobasynda keltirilgen derekterge sáıkes, zertteýler jasóspirimderdiń qatygez vıdeoıyndarǵa áýestenýi agressııa deńgeıiniń artýyna, mazasyzdyqtyń kúsheıýine ákep soǵatynyn kórsetti. Qarjy vıse-mınıstri Karlos Lerma mundaı jaǵymsyz qubylystar jastardyń damýyna kedergi keltirip, densaýlyq saqtaý júıesine aýyrtpalyq túsiretinin atap ótti.
Bıýdjet jobasy qarasha aıynyń ortasyna deıin Kongreste qaralyp, bekitilýi tıis.
