Qujat Qazaqstan azamattaryn Katarda zańdy túrde jumysqa ornalastyrýǵa jáne olardyń quqyqtaryn qorǵaýǵa múmkindik beredi.
Kelisimge jáne standartty eńbek shartyna sáıkes Katar jumys berýshileri qazaqstandyqtarǵa myna qyzmetterdi qamtamasyz etýge mindetti:
– Qazaqstannan Katarǵa jáne keri qaraı ushý bıletterin tóleý;
– jıhazben jabdyqtalǵan turǵyn úı (nemese járdemaqy);
– turǵylyqty jerinen jumysqa tasymaldaý (nemese kólik shyǵyndaryn óteý).
– keminde 3 aptalyq jyl saıynǵy eńbek demalysy, sondaı-aq qosymsha 3 kúndik eńbek demalysy.
Eger eńbek sharty buzylsa, daýlar men tótenshe jaǵdaılar oryn salsa, Qazaqstan azamattaryn qaıtarý erejeleri belgilenedi.
Kelisimdi júzege asyrý, jumysqa ornalasý múmkindikterin qarastyrý jáne aqparat almasý, sondaı-aq daýlardy sheshý boıynsha áreketterdi úılestirý úshin ár taraptan úsh ókilden turatyn birlesken komıtet qurylady.
Kelisimdi iske asyrý boıynsha ýákiletti organdar Qazaqstan Respýblıkasynyń Eńbek jáne halyqty áleýmettik qorǵaý mınıstrligi men Katar memleketiniń Eńbek mınıstrligi bolady.
Qazaqstan Respýblıkasy Syrtqy ister mınıstrliginiń málimetinshe, jyl basynan beri Katar aýmaǵynda Qazaqstannyń 710 azamaty resmı túrde jumys isteıdi.
