Tórt túrli smartfon qatarynda erekshe kózge túskeni – «iPhone 17 Air». Qalyńdyǵy nebári 5,6 mm bolatyn bul úlgi – Apple tarıhyndaǵy eń juqa telefon. Onyń korpýsyna tıtan men alıýmınıı qoldanylǵan, al jumysyn qýatty A19 Pro prosessory atqarady. Bul chıp álemdegi eń jyldam mobıldi prosessor retinde sıpattalyp otyr. «iPhone 17 Air» burynǵy modelderden beriktigimen de erekshelenbek. Sondaı-aq bul smartfonda qos kamera arqyly bir ýaqytta túsirý múmkindigi bar. Degenmen korpýs juqalyǵyna baılanysty onda fızıkalyq SIM kartasyna oryn joq, tek eSIM qoldanylady.
Aıta keteıik, jańa jelide tórt model bar. Bular «iPhone 17», «iPhone 17 Air», «iPhone 17 Pro» jáne «iPhone 17 Pro Max».
Ekran ólshemderi 6,3-ten 6,9 dıýımge deıin. Barlyq telefondar keminde 256 GB jadymen jabdyqtalǵan. Negizgi úlgi bes túste. Atap aıtsaq, Air tórt túste, al Pro men Pro Max úsh tústi nusqada qoljetimdi.
Bul qurylǵylarda shynydan jasalǵan symsyz zarıadtaý alańy jáne býlaný kamerasy bar salqyndatý júıesi ornatylǵan. Kompanııanyń aıtýynsha, bul júıe oıyndar men aýyr júktemeler kezinde ónimdilikti 40%-ǵa arttyrady.
Jańa smartfondar 19 qyrkúıekten bastap satyla bastaıdy.
