Jıynǵa Májilis depýtattary, barlyq óńirlik fılıaldardyń basshylary men ókilderi, partııa belsendileri, sondaı-aq Ortalyq apparattyń jaýapty qyzmetkerleri qatysty. Sonymen qatar beınekonferensııa arqyly oblystyq jáne aýdandyq deńgeıdegi partııa qurylymdarynyń tóraǵalary da qosylyp, talqylaýǵa keń kólemde qatysýǵa múmkindik jasaldy.
Otyrysty asha otyryp, Serik Egizbaev Prezıdenttiń Joldaýy — memlekettiń aldaǵy jyldardaǵy damý baǵytyn aıqyndaıtyn strategııalyq qujat ekenin atap ótti. Onyń aıtýynsha, bul qujat eldiń saıası júıesi men qoǵam ómiriniń barlyq salalary úshin negizgi baǵyt-baǵdardy belgileıdi.
«Aýyl» partııasynyń basty mindeti – Joldaýdyń mazmunyn árbir azamatqa, ásirese aýyl turǵyndaryna jetkizý ǵana emes, ony júzege asyrýǵa belsendi atsalysý. Bul bizden naqty qadamdardy talap etetin is-qımyl jospary. Biz aýyl sharýashylyǵy salasyn, ınfraqurylymdy damytýdy jáne aýyldaǵy halyqtyń ómir sapasyn arttyrýdy basty basymdyqtar retinde qarastyramyz», dedi partııa tóraǵasy.
Talqylaý barysynda qatysýshylar Joldaýda aıtylǵan negizgi bastamalarǵa toqtaldy. Negizgi nazar elimizde bir palataly Parlament qurý týraly usynys pen onyń saıası júıege áserine, aýyl sharýashylyǵyn zamanaýı tehnologııalardy engizý arqyly jańǵyrtýǵa jáne onyń tıimdiligin arttyrýǵa, aýyldyq óńirlerdiń ınfraqurylymyn damytýǵa – joldar, aýyz sý, ınternet jáne áleýmettik nysandarǵa, sondaı-aq shalǵaı aýyldar men shaǵyn eldi mekender turǵyndaryna áleýmettik qoldaýdy kúsheıtý sharalaryna aýdaryldy.
Jıyn barysynda Májilis depýtattary da óz pikirlerin ortaǵa saldy. Olar Prezıdent usynǵan reformalardyń aýyldaǵy áleýmettik jáne ekonomıkalyq jaǵdaıdy túbegeıli jaqsartýǵa baǵyttalǵanyn atap ótti. Depýtattar elimizdiń agrarlyq sektoryn qoldaý, aýyl kásipkerlerin nesıeleý, jastardy aýylda qaldyrýǵa arnalǵan yntalandyrý sharalary, bilim men medısınalyq qyzmettiń qoljetimdiligin arttyrý, sondaı-aq zańnamalyq deńgeıde qajet bastamalardy ázirleý boıynsha naqty usynystaryn aıtty.
Serik Egizbaev aýyldy damytý memlekettik saıasattyń negizgi basymdyqtarynyń biri bolýy tıis ekenin erekshe atap ótti. Ol tek aýyldyq aýmaqtardyń máselelerin keshendi sheshý arqyly azamattardyń ál-aýqatyn arttyrýǵa jáne eldiń azyq-túlik qaýipsizdigin qamtamasyz etýge bolatynyn jetkizdi.
Otyrysta sóz alǵan óńirlik fılıaldardyń ókilderi óz aımaqtaryndaǵy jaǵdaı týraly aqparat berip, sheshýdi qajet etetin basty máselelerdi atap ótti. Olar aýyldyq jerlerde jumys oryndarynyń jetispeýshiligi, tozyǵy jetken ınfraqurylym men sapaly áleýmettik qyzmetterdiń tapshylyǵy ózekti kúıinde qalyp otyrǵanyn aıtty. Ásirese medısınalyq qyzmet sapasyn jaqsartý, bilimge qoljetimdilikti arttyrý jáne sharýa qojalyqtary men shaǵyn aýyl sharýashylyǵy kásiporyndaryn qoldaý asa mańyzdy ekeni atap ótildi.
О́ńirlerdiń ókilderi Joldaýda kóterilgen Prezıdent bastamalary aýyl turǵyndarynyń úmit-tilekterine saı keletinin jáne aýyldaǵy jaǵdaıdy oń baǵytta ózgertýge múmkindik beretinin erekshe aıtty.
Sondaı-aq Joldaýdy halyq arasynda keńinen nasıhattaý úshin arnaıy is-sharalar josparyn ázirleý týraly sheshim qabyldandy. Bul josparǵa óńirlerde túsindirý jumystaryn júrgizý, turǵyndarmen kezdesýler, forýmdar, semınarlar jáne dóńgelek ústelder ótkizý kiredi.
Jıyndy qorytyndylaı kele, Serik Egizbaev «Aýyl» partııasynyń Memleket basshysy usynǵan reformalar men bastamalardy júzege asyrýdaǵy basty kúshterdiń biri bolýǵa daıyn ekenin atap ótti.
«Bizdiń mindetimiz – qoǵamnyń kúsh-jigerin biriktirip, barlyq resýrstardy jumyldyrý arqyly Joldaýdaǵy árbir tapsyrmanyń naqty oryndalýyn qamtamasyz etý. Biz Prezıdent bastamalaryn qoldap qana qoımaı, ózimizdiń de jobalarymyz ben usynystarymyzdy engizip, azamattarymyzdyń ómirin jaqsartýǵa úles qosamyz», dedi partııa Tóraǵasy.
Ol sondaı-aq jumystyń barlyq baǵyttarda – Parlamenttegi zańnamalyq bastamalardan bastap óńirlerdegi naqty jobalarǵa deıin belsendi túrde júrgiziletinin aıtty.
«Aýyl» partııasy elimizdiń damýyna berik ustanymyn bildirip, Qazaqstannyń órkendeýi men halqynyń ál-aýqatyn arttyrý isine úles qosýdy kózdegen barlyq taraptarmen ashyq dıalog pen yntymaqtastyqqa daıyn ekenin málimdedi.
