Foto: Ashyq derekkóz
Ekonomıkalyq saıasat, ınnovasııalyq damý jáne kásipkerlik komıteti ázirlegen zań jobasy 2025 jylǵy 4 qyrkúıekte ótken keńeıtilgen otyrysta talqylanyp, Senat Apparaty qyzmetkerleri men zań ázirleýshi ókilderiniń qatysýymen qaralǵan bolatyn.
Zańnyń negizgi maqsaty – ınnovasııalyq qyzmetti memlekettik qoldaý júıesin jetildirý, jańa tehnologııalardy engizý úshin qolaıly jaǵdaı jasaý jáne Qazaqstan ekonomıkasynyń básekege qabilettiligin arttyrý.
Qujat 2 Kodekske jáne 10 zańǵa ózgerister engizýdi kózdeıdi. Atap aıtqanda:
- «Astana Hab» halyqaralyq tehnologııalyq parki men «Innovasııalyq tehnologııalar parki» derbes klasterlik qory biriktirilip, biryńǵaı «Astana Hab» derbes klasterlik qory qurylady.
- Qordy qarjylandyrý júıesi qaıta qaralyp, múshelik jarnalar esebinen qalyptastyrý kózdeledi.
- Jer qoınaýyn paıdalanýshylardan túsetin mindetti qarjylandyrý alyp tastalady.
- Venchýrlik naryqty damytý úshin memlekettik qoldaý sharalaryn baǵalaý tetigi engiziledi.
- Ulttyq ınnovasııalyq júıeniń biryńǵaı sıfrlyq terezesin damytý qarastyrylǵan.
- Baılanys operatorlary memlekettik statıstıka úshin abonentter týraly ıesizdendirilgen derekterdi ýákiletti organǵa usynýǵa mindetteledi.
