Mınıstrliktiń dereginshe, servıs 2025 jylǵy sáýirde iske qosylǵan. 1 qyrkúıektegi jaǵdaı boıynsha, onyń kómegimen 50 myńnan astam úmitkerge jeke usynystar jasalǵan.
Mamandardyń aıtýynsha, qoldanylyp otyrǵan JI modeli túıindemeler men bos jumys oryndaryn taldap, talap etiletin mamandyqtar men kásibı toptardy, kútiletin jalaqyny, turǵylyqty aımaqty jáne kásibı daǵdylardy eskerip usynys beredi.
«Bul rette zamanaýı tabıǵı tildi óńdeý jáne mashınalyq oqytý tehnologııalary qoldanylady», dep atap ótti vedomstvo.
Joba túıindemeler men bos jumys oryndaryn taldaý prosesin avtomattandyrýǵa baǵyttalǵan. Bul jumys berýshiler úshin laıyqty kandıdat izdeýdi edáýir jedeldetip, qol eńbegin azaıtty.
Aıta keteıik, túıindemeni óńdeý ýaqyty 2 sekýndtan aspaıdy, al bos jumys ornyn qolmen irikteý ýaqyty 80%-ǵa qysqarǵan.
«Aldaǵy ýaqytta JI tehnologııalary jumys izdeý prosesin 90%-ǵa jedeldetedi dep kútilýde», dedi mınıstrlik ókilderi.
JI tehnologııalary qazaqstandyqtardyń ómiriniń ajyramas bóligine aınalýda. 2025 jylǵy 8 qyrkúıekte halyqqa Joldaýynda prezıdent Qasym-Jomart Toqaev elde Jasandy ıntellekt mınıstrligi qurylatynyn málimdegen edi. Onyń aıtýynsha, jańa mınıstrlik jasandy ıntellektti barlyq salaǵa engizýdi retteýmen aınalysady.
