Qostanaı qalasy ákiminiń ekinshi orynbasary da 2 aıǵa qamaldy

QOSTANAI. 06 tamyz. Qostanaı qalasy ákiminiń ekinshi orynbasary Frýnzık Arakelıandy №2 qalalyq sot 2 aıǵa qamaýǵa sanksııa berdi. Bul týraly ng.kz saıtyna silteme jasaǵan egemen.kz tilshisi habarlady. Frýnzık Arakelıan Qazaqstan Respýblıkasy Qylmystyq kodeksiniń eki babymen, ıaǵnı 361-baptyń 2-bólimi –qyzmetin asyra paıdalanǵany úshin jáne 366-baptyń 2 bólimi – úlken kólemde para alǵany úshin aıyptalady. Sotta memlekettik aıyptaýshy Rýslan О́mirzaqovtyń aıtýynsha, Arakelıan  burynnan da para alyp júrgen. Ol ony kimnen alǵanyn aıtyp berdi. Sonymen qatar, prokýror Fýrnzık Arakelıandy respýblıkadan tys jerge qashyp ketýi múmkin ekenin aıtty, sol úshin ony qamaý kerektigin usyndy. О́ıtkeni, Frýnzık myrza ózine tyqyr taıanǵanyn sezse kerek, kabınetin tintigen kezde onyń qyzmetten ketý týraly jazǵan aryzdary  tabyldy. Olardy konselıarııa keńsesine berip úlgermegen. Sýdıa Altyn Baıjumanova Arakelıannyń jaqsy minezdemesine qaramastan ony 2 aıǵa qamaýǵa sanksııa shyǵardy. Eske sala keteıik, Qostanaı qalasy ákiminiń eki orynbasary para aldy degen kúdikpen ustalǵan-dy. Osynyń aldynda Maqsut Qalıevta 2 aıǵa qamalǵan bolatyn. Názıra Járimbetova. Derek, sýret: ng.kz.