Qatysýshylar uıymdardyń jumysy týraly habardar etti, óńirlerdegi tájirıbemen almasty jáne halyqtyń osal toptarynyń múddesin eskere otyryp, ornyqty damý maqsattaryna qol jetkizý boıynsha usynymdar daıyndady.
Olga Perepechına óz sózinde aımaqtyq deńgeıdegi júıeli sheshimder men halyqtyń osal toptarynyń múddesin eskermeı ODM-ǵa qol jetkizý múmkin emestigin atap ótti.
«Ornyqty damý maqsattary – bolashaqqa baǵyttalǵan ámbebap kún tártibi. Alaıda ony halyqtyń osal toptarynyń múddesin eskermeı júzege asyrý múmkin emes. Múgedektigi bar áıelder men qyzdar – bul búkil álem boıynsha mıllıondaǵan azamattar bolyp tabylady. Olar bilimge, medısınaǵa, jumyspen qamtýǵa jáne qoǵamdyq ómirge bárimen birdeı qol jetkize alady. Sondyqtan eshkimniń nazardan tys qalýyna jol bermeý – bizdiń ortaq mindetimiz», dep atap ótti Olga Perepechına.
Senator qoljetimdi jáne sapaly bilim berýdi qamtamasyz etý, jumysqa ornalasý jáne kásipkerlik úshin múmkindik jasaý, ásirese aýyldyq jerlerde medısınalyq jáne áleýmettik qyzmetterdi keńeıtý, múgedek áıelderdi sheshim qabyldaý úderisine tartý jáne qoǵamda qurmet pen teń kózqaras mádenıetin damytýǵa kóńil bólý óńir elderi úshin mańyzdy ekenin atap ótti.
Konferensııa Ortalyq Azııa elderiniń ornyqty damý maqsattary jónindegi halyqaralyq mindettemelerin, BUU-nyń Múgedek adamdardyń quqyqtary týraly konvensııasyn jáne áıelderge qatysty kemsitýshiliktiń barlyq nysandaryn joıý týraly konvensııasyn iske asyrýǵa mańyzdy úles boldy. Sharany EQYU tarapynan qoldaý halyqaralyq kún tártibinde adam quqyqtary, genderlik teńdik jáne ınklıýzııa taqyrybynyń mańyzdylyǵyn kórsetedi.
Konferensııaǵa qatysýshylar sharanyń qorytyndysy boıynsha árbir adamnyń teń quqyqtary, múmkindikteri men keleshegi bar shynaıy ınklıýzıvti qoǵam qurýǵa baǵyttalǵan is júzindegi sheshimder ázirleý men budan bylaıǵy yntymaqtastyqqa daıyn ekendikterin bildirdi.
