Foto: Ashyq derekkóz
AQSh prezıdenti Donald Tramp Truth Social jelisinde ún qatyp, aıyptalýshyǵa eń aýyr jaza qoldaný kerektigin málimdedi. Ol qylmyskerdiń «jyldam sot aldynda jaýap berip, tek ólim jazasyna kesilýi qajet» ekenin aıtty.
Bas prokýror Pem Bondı de qatań málimdeme jasap, «bul keshirilmes qylmys úshin eń joǵary jazaǵa qol jetkiziletinin» jáne Braýnnyń endi eshqashan erkindikte júrmeıtinin jetkizgen.
Taralǵan beınejazbada er adamnyń poıyzda otyrǵan Zarýskaıaǵa pyshaqqa uqsas zatpen birneshe ret soqqy jasaǵany kórinedi.
Braýnǵa federaldyq deńgeıde qoǵamdyq kólikte adam ólimine sebep boldy degen aıyp taǵylsa, shtat zańy boıynsha ol birinshi dárejeli kisi óltirýshi retinde jaýapqa tartylyp otyr.
Qoǵam arasynda úlken rezonans týdyrǵan bul qylmys Braýnnyń burynǵy áreketterimen de baılanysty. Ol 2007 jyldan beri tonaý, shabýyl jáne qarýdy zańsyz ustaǵany úshin 14 ret qamaýǵa alynǵan. Onyń anasy uly shızofrenııamen aýyratynyn aıtyp, kóshede júrýine jol berilmeýi kerek ekenin jetkizgen.
