Foto: Ashyq derekkóz
Qordyń baspasóz qyzmetiniń habarlaýynsha, bul jyly granttar 72 joǵary jáne orta bilimnen keıingi oqý ornynda qarastyrylǵan. Onyń ishinde 70 oqý ornynan konkýrs komıssııalarynyń hattamalary men talapkerlerdiń qujattary usynylsa, eki oqý ornynda baǵdarlama talaptaryna saı úmitker tabylmaǵan.
Qorytyndysynda 449 talapker grant ıegeri atanyp, kelesi sanattar boıynsha bilim alý múmkindigine ıe boldy:
- 2022 jylǵy qańtar oqıǵasynda qaza tapqandardyń balalary – 1 adam;
- Jetimder men ata-anasynyń qamqorlyǵynsyz qalǵandar – 135 adam;
- Múgedektigi bar jastar – 86 adam;
- Áleýmettik jaǵdaıy tómen aýyldyq jerler men shaǵyn qalalardan shyqqan talapkerler – 65 adam;
- Múgedek balany tárbıelep otyrǵan otbasylardan shyqqan jastar – 162 adam.
Aıta keteıik, baǵdarlama iske qosylǵaly úsh jyldyń ishinde 93 oqý ornynan 3 859 stýdent bilim grantyn ıelengen. Bıylǵy kórsetkishpen birge qordyń qoldaýymen joǵary bilim alý múmkindigine qol jetkizgen jastardyń jalpy sany 4 308 adamǵa jetken.
