Zeınetaqy salyqtan bosatylady

Buǵan deıin qoldanystaǵy Salyq kodeksine sáıkes, Biryńǵaı jınaqtaýshy zeınetaqy qorynan (BJZQ) tólenetin birjolǵy zeınetaqy tólemderi 10% mólsherlememen jeke tabys salyǵy (JTS) usta­la­tyn kiris túri sanaldy. Iаǵnı zeı­netaqy jarnalary jeke zeı­netaqy shottaryna salyq sa­lynǵanǵa deıin aýdarylady. Jeke tabys salyǵy tólemder júzege asyrylǵan kezde ustalady. JTS ustaý mindetti zeınetaqy jarnalary (MZJ), mindetti kásiptik zeınetaqy jarnalary (MKZJ), erikti zeınetaqy jarnalary (EZJ) esebinen barlyq zeınetaqy tólemderine jıyntyq túrde júr­giziledi. Bul rette túzetýler men salyqtyq shegerimder eskeriledi.

Turǵyn úıge ne bolmasa emdelýge birjolǵy zeınetaqy tólem­derin paıdalanǵan kezde JTS ustaý da kózdeledi. Alýshynyń tańdaýyna ony ustap qalýdyń eki joly usynylady: BZT alǵan kezde birden nemese zeınetaqy alatyn kezge deıin keıinge qaldyrýdy tańdaýǵa bolady.

2026 jylǵy 1 qańtarǵa deıin BJZQ-dan beriletin zeınet­aqy men birjolǵy zeınet­aqy tólemderinen JTS esepteý, shegerip qalý, tóleý qolda­nystaǵy tártippen júzege asyrylady.

Kelesi jyldyń 1 qańtarynan JTS zeınetaqy tólemderiniń barlyq túrlerinen ustalmaıdy. Biraq munyń elimizdiń rezıden­ti bolyp eseptelmeıtin azamat­tarǵa qatysy joq. Sondaı-aq JTS birjolǵy zeınetaqy tó­lem­derinen de ustalmaıdy.

Keler jyldyń 1 qańtarynan bas­tap turǵyn úı jaǵdaıyn jaq­sar­tý nemese emdelý maqsatynda paıda­lanylǵan birjolǵy zeınet­aqy tólemderinen ustalýǵa tıis, biraq zeınetke shyqqanǵa deıin keıinge qaldyrylǵan jeke tabys salyǵy boıynsha eseptelgen mindettemeler de joıylady. Alaıda buǵan deıin bıýdjetke tólengen salyqtar qaıta­rylmaıdy.