Foto: respublica-partiyasy.kz
Forýmdy ashqan partııa tóraǵasy Aıdarbek Qojanazarov Memleket basshysynyń «Jasandy ıntellekt dáýirindegi Qazaqstan: ózekti mindetter jáne olardy sıfrlyq transformasııa arqyly sheshý joldary» atty Joldaýy aldaǵy jyldary el damýynyń basty baǵdarshamy bolatynyn atap ótti.
«Bul – tarıhı Joldaý. Prezıdent sıfrlandyrý men ekonomıkany jańǵyrtýdan bastap, partııalyq júıeni nyǵaıtýǵa deıingi strategııalyq basymdyqtardy aıqyndady. Jerdi tolyq sıfrlandyrý tapsyrmasy – ashyqtyq pen ádil erejelerdiń kepili. Al konstıtýsııalyq reformalardaǵy mańyzdy qadam – Parlamenttiń bir palataly júıege kóshýi. Bul – elimizdiń saıası júıesindegi jańa beles. Kásipkerler partııasy úshin bul derbes Kásipkerlik mınıstrliginiń paıda bolýymen teń. Bul – úlken de mándi kúsh», dedi ol.
Almaty qalasy ákiminiń orynbasary Oljas Smaǵulov ta Joldaýdyń ózektiligine toqtalyp, Respublica partııasynyń qaladaǵy áleýmettik-ekonomıkalyq bastamalarǵa belsendi úles qosyp kele jatqanyn aıtty.
«Jýyrdaǵy Memleket basshysynyń Joldaýy Qazaqstannyń sıfrlyq transformasııasyna aıryqsha kóńil bóldi. Respublica partııasy Almaty qalasynyń áleýmettik-ekonomıkalyq damýyna qatysty barlyq bastamalarǵa belsendi ári nátıjeli úles qosyp keledi. Biz, ákimdik tarapynan, bul bastamalardy tolyq qoldaımyz», dedi.
Forým jumysyna partııa teń tóraǵalary Syrymbek Taý, Maksım Baryshev jáne Qýanysh Shonbaı qatysty. Olar kásipkerlik salasyndaǵy tájirıbelerimen bólisip, partııa qurylǵannan bergi ózgerister men jeńilgen kedergiler týraly áńgimeledi. Sonymen qatar, Májilistegi Respublica fraksııasynyń depýtattary qabyldanǵan zańdar men ázirlenip jatqan zań jobalary jóninde baıandap, fraksııa bastamalaryn tanystyrdy.
Qatysýshylar kásipkerlikti damytý, bıznes quqyǵyn qorǵaý, sıfrlyq transformasııa, qarjylandyrýdyń qoljetimdiligi, taýarlardy tańbalaý, áleýmettik kásipkerlik pen ishki týrızmdi talqylady. Erekshe qyzyǵýshylyqty partııa teń tóraǵasy Maksım Baryshevtyń sózi týdyrdy. Ol salyq salasynyń mamany retinde 2026 jyldan bastap engiziletin ózgeristerdi túsindirip, kásipkerlerge jańa erejelerge daıyndalý joldaryn kórsetti.
Forým qorytyndysynda aıtylǵan usynystar Respublica fraksııasynyń jumys josparyna engizilip, zańnamalyq bastamalarǵa aınalatyny jarııalandy. Partııa músheleri kásipkerler Prezıdent bastamalaryn tolyq qoldaıtynyn jáne olardy júzege asyrýǵa belsendi qatysýǵa daıyn ekenin jetkizdi.
«Biz tek máselelerdi talqylap qana qoımaımyz, sonymen birge olardyń naqty sheshý joldaryn usynamyz», dep qorytyndylady Respublica partııasy.
