Aldaǵy kúnderi respýblıkanyń basym bóliginde frontaldi bólikterdiń ótýine baılanysty naızaǵaı oınap, jańbyr jaýady. 13-14 qyrkúıekte Shyǵys Qazaqstan oblysynda, 14 qyrkúıekte Jetisý oblysynyń taýly aýdandarynda, 15 qyrkúıekte Mańǵystaý oblysynda qatty jańbyr, burshaq, daýyl kútiledi.
«Respýblıka boıynsha jeldiń kúsheıýi boljanady, soltústik-batysta, soltústikte, shyǵysta, ortalyqta, respýblıkanyń ońtústik-shyǵysynda túngi jáne tańǵy saǵattarda tuman túsedi.
Temperatýralyq jaǵdaıda aýa temperatýrasynyń tómendeýi kútiledi: eldiń shyǵysynda túnde 0-9 gradýs jyly, kúndiz 10-22 gradýs jyly, eldiń ońtústiginde túnde 10-16 gradýs jyly, kúndiz 17-28 gradýs jyly, ortalyqta túnde 1-9 gradýs jyly, kúndiz 12-20 gradýs jyly», delingen sınoptıkter boljamynda
Sonymen qatar, soltústikte, soltústik-batysta kúndizgi aýa temperatýrasynyń 12-19 gradýs jylyǵa deıin kóterilýi kútiledi. Batysta, ońtústik-shyǵysta temperatýralyq jaǵdaıda aıtarlyqtaı ózgerister boljanbaıdy.
