Osyǵan oraı jańa maýsymda «Habar» telearnasy el tarıhynda alǵash ret áleýmettik mańyzy zor iri jobany — «Sheberler shaıqasy» atty realıtı-shoýdy usynbaq. Joba qazan aıynda bastalyp, jyl sońyna deıin jalǵasady. Onyń basty keıipkerleri — dánekerleýshi, qurylysshy, elektrık, aspaz, órt sóndirýshi syndy túrli jumysshy mamandyq ıeleri.
Mádenıet jáne aqparat mınıstri Aıda Balaevanyń aıtýynsha, baǵdarlama qatysýshylary kásibı biligin, ómirlik tájirıbesin, tózimdiligin jáne komandalyq rýhyn shyńdaıdy. Sheberler zaýytta, qurylys alańynda, sheberhanada nemese óndiristik ortada tapsyrmalar oryndaıdy. Ár shyǵarylym bir adamnyń taǵdyry men ómir jolyna arnalyp, olardyń tabandylyǵy men jeńisi, jeńilisi kórermenge usynylady.
Jobanyń basty maqsaty — adal eńbek pen shynaıy sheberlikti dáripteý. Uıymdastyrýshylardyń habarlaýynsha, jeńimpazdarǵa qomaqty júlde qory qarastyrylǵan.
— «Sheberler shaıqasy — eńbektiń qadirin túsinetin árbir janǵa ózin tanytýǵa, kásibin dáripteýge, eldiń alǵysyna bólenýge berilgen biregeı múmkindik. Bul baǵdarlama mańdaı terdiń qadirin baǵalap, eńbektiń el bolashaǵyna berik irgetas ekenin kórsetedi», — delingen mınıstrdiń jelidegi jazbasynda.
