Oǵan Qazaqstannyń avıasııalyq ákimshiligi, Halyqaralyq azamattyq avıasııa qaýymdastyǵy (IATA), sondaı-aq qazaqstandyq jáne sheteldik áýe kompanııalarynyń ókilderi qatysty.
Kenjeǵul Seıtjan áýe kóligin paıdalaný kezinde múmkindigi shekteýli jandar bepte-bet keletin qıyndyqtarǵa toqtaldy. О́z kezeginde Saltanat Tompıeva áýe kóligimen tasymaldaý barysynda múmkindigi shekteýli jolaýshylarǵa jaǵdaı jasaý baǵytynda júrgizilip jatqan jumystar týraly baıandady. Qazirgi tańda múgedektigi bar tulǵalarǵa áýe bıletterin satyp alýǵa jeńildikter berý máseleleri jóninde qoldanystaǵy zańnamaǵa túzetýler engizý qarastyrylyp jatyr.
Qazaqstannyń avıasııalyq ákimshiliginiń ókilderi azamattyq avıasııa sýbektileriniń zańnamalyq talaptarǵa sáıkestigi, onyń ishinde múmkindigi shekteýli jandar úshin jasalǵan jaǵdaılar boıynsha turaqty negizde tekserýler júrgiziletinin atap ótti. Zań buzýshylyqtar oryn alǵan jaǵdaıda tıisti sharalar qabyldanady.
IATA-nyń Ortalyq Azııa boıynsha óńirlik menedjeri Rızvan Sıddıkı múmkindigi shekteýli jolaýshylarǵa qolaıly jaǵdaı jasaý Assosıasııanyń basym baǵyttarynyń biri ekenin atap ótti. IATA turaqty túrde uıym múshelerimen (dúnıejúzi boıynsha 360-tan astam áýe kompanııasy) keńester ótkizip, áýe kompanııalaryna júzege asyrý úshin jiberiletin standarttardy ázirleıdi.
Áýe kompanııalary da múmkindigi shekteýli jandarǵa jaǵdaı jasaý boıynsha óz jumystary jóninde esep berdi. Keńes qorytyndysy boıynsha Azamattyq avıasııa komıtetiniń tóraǵasy kóterilgen barlyq máseleler áýe kompanııalarymen birlesip qarastyrylatynyn atap ótti.
