Jerebe orys shaı ishý dástúrine saı uıymdastyryldy. Álemniń 23 elinen kelgen qatysýshylar Sar-samovardan ystyq sý quıyp, hameleon-shyraqaıaqtan ózderiniń sahnaǵa shyǵý nómirin bildi. Nátıjesinde alǵashqy bolyp Kýba ánshisi óner kórsetedi, odan keıin Qyrǵyzstan, Qytaı, Mysyr, AQSh jáne Kenııa ókilderi sahnaǵa shyǵady.
Ámire baıqaýda qazaq tilinde «Dalanyń nury» atty ánin oryndaıdy. Ol Qazaqstanda ǵana emes, shetelde de tanymal. Ánshi kóptegen halyqaralyq baıqaýlardyń jeńimpazy atanǵan. Reseıde ony 2018 jylǵy «Slavıan bazarynyń» jeńimpazy jáne Dıma Bılannyń tálimgerligindegi «Golos» jobasynyń fınalısi retinde biledi.
Baıqaýǵa jeke oryndaýshylar men quramynda alty adamǵa deıingi toptar qatysady. Basty talap — óz elinde asa tanymal bolý. Bas júlde — 30 mıllıon rýbl. Jeńimpazdy ár elden kelgen kásibı halyqaralyq qazylar alqasy anyqtaıdy.
Bıyl Reseıde qaıta jandandyrylǵan bedeldi «Intervıdenıe» baıqaýynda kezinde Lev Leshenko, Irına Ponarovskaıa jáne Alla Pýgachıova syndy juldyzdar jeńiske jetken bolatyn. Fınal 20 qyrkúıekte saǵat 22:30-da «Pervyı kanal Evrazııa» arnasynda tikeleı efırde kórsetiledi.
