13 qyrkúıek kúni saǵat 23:30 shamasynda Qaraǵandy oblysynda «Qaraǵandy – Aıagóz – Boǵas» avtojolynyń Sheshenqara aýyly mańynda Ford Mondeo avtokóliginiń júrgizýshisi belgilenbegen jerde qarsy jolaqqa shyǵyp ketip, Changan kóligimen soqtyǵysqan. Apat saldarynan bes adam oqıǵa ornynda qaza tapty.
14 qyrkúıek kúni saǵat 01:39 shamasynda Jetisý oblysynda «Almaty – О́skemen» avtojolynyń 479-shaqyrymynda Nissan Cefiro avtokóliginiń júrgizýshisi ońtústik baǵytta qozǵalyp kele jatyp, qarsy jolaqqa shyǵyp, aldymen Lada VAZ kóligimen, keıin Chevrolet Cobalt kóligimen soqtyǵysqan.
Apat saldarynan Nissan Cefiro júrgizýshisi oqıǵa ornynda qaza tapty. Lada VAZ kóligindegi tórt adamnyń bireýi kóz jumyp, taǵy bireýi jaraqat alyp, aýrýhanaǵa jetkizildi. Chevrolet Cobalt kóliginde segiz adam, sonyń ishinde bir bala bolǵan. Aldyn ala málimetter boıynsha olardyń barlyǵy qaza tapqan.
Júrgizilgen tekserý nátıjesinde eki jol ýchaskesinde de jol jamylǵysynyń tegis ekendigi jáne kólik qozǵalysyna kedergi keltiretin aqaýlardyń bolmaǵany anyqtaldy. «Almaty – О́skemen» avtojoly 2024 jyldyń jeltoqsan aıynda qaıta jańǵyrtýdan keıin paıdalanýǵa berilgen. Jol jabyndysy normatıvtik talaptarǵa tolyq sáıkes keledi. Al «Qaraǵandy – Aıagóz – Boǵas» avtojolynda ortasha jóndeý jumystary júrgizilip, jabynnyń jaǵdaıy da standarttarǵa saı bolǵan.
Sońǵy jyldary qaıta jóndeý jáne jańǵyrtý jumystary aıaqtalǵannan keıin jol-kólik oqıǵalarynyń jıilep otyrǵany baıqalady. Tegis jol men ashyq kóriný múmkindigin paıdalanǵan keıbir júrgizýshiler jyldamdyqty shamadan tys asyryp, jol qozǵalysy erejelerin buzýda. Mundaı jaýapsyzdyq orny tolmas qaıǵyly jaǵdaılarǵa ákelip otyr.
