Bul — óńir agrosektorynyń áleýeti ósip, syrtqy naryqta suranysqa ıe bola bastaǵanynyń kórsetkishi.
Resmı málimetterge súıensek, 2022 jyly oblystyń agroónim eksporty 249,6 mıllıon AQSh dollaryn quraıdy. Al 2024 jyldyń qorytyndysy boıynsha bul kórsetkish 397,2 mıllıon dollarǵa jetip, 1,5 eseden astam ulǵaıǵan. Iаǵnı nebári eki jyldyń ishinde eksport kólemi 147,6 mıllıon dollarǵa artqan.
2025 jyldyń alǵashqy alty aıynda shetelge 226,3 mıllıon dollardyń ónimi jóneltildi. Bul — jyl sońyna deıin ótken jylǵy kórsetkishten de asyp túsýi múmkin ekenin ańǵartady.
Eksport kóleminiń ulǵaıýyna birneshe faktor yqpal etti: sapaly ónim óndirý, qaıta óńdeý kásiporyndarynyń damýy jáne sheteldik naryqpen tıimdi baılanys ornatý. Sonymen qatar, memlekettiń aýyl sharýashylyǵyna baǵyttalǵan qoldaý baǵdarlamalary da óz áserin tıgizip otyr.
Almaty oblysy búginde et, qus eti, jemis-jıdek jáne kókónis ónimderin eksporttaýda aldyńǵy qatarǵa shyqty. О́ńirdiń tabıǵı-klımattyq jaǵdaıy men eńbekqor sharýalary syrtqy naryqta básekege qabiletti ónim óndirýge múmkindik berip otyr.
Agroeksporttyń artýy — tek ekonomıkalyq paıda ǵana emes, bul – aýylda jumys oryndarynyń kóbeıýi, fermerlerdiń tabysynyń artýy jáne óńirlik ekonomıkanyń nyǵaıýy.
