Jańa erejege sáıkes, eger belgili bir bólikte jolda aqaýlar anyqtalsa, júrgizýshiler sol shaqyrymdarǵa tólemnen bosatylady. Máselen, 100 shaqyrymdyq ýchaskeniń 5 shaqyrymy sapasyz dep tanylsa, aqy tek qalǵan 95 shaqyrymǵa ǵana esepteledi.
Mınıstrliktiń túsindirýinshe, tólem alý prosesi aqaý tirkelgen sátten bastap avtomatty túrde toqtatylady da, jóndeý jumystary aıaqtalǵan soń qaıta qosylady. Joldardyń jaǵdaıy turaqty túrde ólsheýler men tekserister arqyly baqylanyp otyrady.
Sonymen qatar júrgizýshiler joldaǵy aqaýlar týraly ózderi de habarlaı alady. Ol úshin táýlik boıy jumys isteıtin 1403 qysqa nómirine qońyraý shalý jetkilikti. Shaǵym birden qaralyp, tólem qaıta esepteledi nemese aqshany qaıtarý rásimi avtomatty túrde júrgiziledi.
Jańa ereje respýblıkalyq qana emes, halyqaralyq mańyzy bar barlyq aqyly joldarǵa qoldanylady. Mınıstrlik bul qadamdy «joldardaǵy ashyqtyq pen ádildikti qamtamasyz etý úshin jasalǵan» dep otyr.
