Foto: fckairat.com
Jankúıerler asyǵa kútken «Qaırat» – «Real Madrıd» matchynyń bıleti 23 qyrkúıek kúni 17: 00-de satylymǵa shyǵady. Bıletter klýbtyń resmı saıty men Ticketon platformasynda qoljetimdi bolady.
Bir JSN boıynsha bir adamǵa eki bıletten artyq satylmaıdy. «Qaırat» fýtbol komandasy derekter satyp alý jáne stadıonǵa kirgizý kezinde muqııat tekseriletinin atap ótken.
Al bılet baǵasy 30 000 - 250 000 teńge aralyǵynda belgilengen.
«Baǵa saıasaty týrnır talaptaryna jáne Chempıondar lıgasy matchtaryn uıymdastyrýdyń halyqaralyq tájirıbesine sáıkes keledi. Bıletterdiń bir bóligi dástúrli túrde bekitilgen áleýmettik jáne klýb kvotalary aıasynda bólinedi. Olar «Qaırat» Akademııasynyń jáne klýb fılıaldarynyń bapkerleri men tárbıelenýshilerine, paralımpıadalyq sport túrleriniń sportshylaryna, sondaı-aq klýbtyń qyzmetkerleri men ardagerlerine beriledi», delingen resmı habarlamada.
Sondaı-aq klýb jelide bılettiń aldyn ala satylymy týraly jalǵan aqparat taralyp jatqanyn eskertip, bıletterdi Qairat SuperApp mobıldi qosymshasy jáne Ticketon servısi arqyly satyp alýǵa keńes berip otyr.
