Foto: Úkimettiń baspasóz qyzmeti
Bul nysan Memleket basshysynyń aýyldyq jerlerdegi ınfraqurylymdy damytý jónindegi tapsyrmasyn júzege asyrý sheńberinde salynǵan.
Medısınalyq pýnktte dárigerge deıingi tekserý, qaraý jáne emdik kabınetter jumys isteıdi. Bul Shet aýdanynda qaıtarylǵan aktıvter esebinen júzege asyrylyp jatqan jalǵyz joba emes. Qazirgi tańda Jylandy aýylynda da jańa medısınalyq pýnkttiń qurylysy júrip jatyr.
Úkimettiń baspasóz qyzmetiniń habarlaýynsha, Qaraǵandy oblysynda Arnaýly memlekettik qordan bólingen qarajatqa josparlanǵan 51 medısınalyq nysannyń 24-i turǵyzylyp, 11-i paıdalanýǵa berilgen. Qalǵan 27 nysannyń qurylysy jalǵasýda, olardyń bıyl qyrkúıek aıynyń sońyna deıin tapsyrýy josparlanǵan.
Jańa medısınalyq nysandar ashý Prezıdent Qasym-Jomart Toqaevtyń bastamasymen qabyldanǵan «Aýylda densaýlyq saqtaýdy jańǵyrtý» ulttyq jobasy aıasynda júrgizilip jatyr. Búgingi kúnge deıin josparlanǵan 655 jobanyń 540-y tolyq iske asqan.
