Foto: Ashyq derekkóz
Eń basty jańashyldyq Qylmystyq kodekstiń 125-babyndaǵy eskertpeni alyp tastaý boldy. Buǵan deıin urlanǵan adamdy óz erkimen bosatqan tulǵa qylmystyq jaýapkershilikten bosatylýy múmkin edi. Endi jábirlenýshini erikti túrde bosatqan kúnniń ózinde kináli adam zań boıynsha jaýapqa tartylady.
Sonymen qatar Qylmystyq kodekske jańa 125-1-bap engizildi, ol «Nekege májbúrleý» áreketin qylmys retinde qarastyrady. Mundaı áreket úshin aıyppul salý, túzeý nemese qoǵamdyq jumystar, bas bostandyǵyn shekteý nemese bas bostandyǵynan aıyrý sııaqty jazalar qarastyrylǵan. Qylmystyń aýyrlyǵyna baılanysty aıyppul 2000 aılyq eseptik kórsetkishke deıin, al bas bostandyǵynan aıyrý merzimi – eki jylǵa deıin belgilengen.
Eger nekege májbúrleý abaısyzda aýyr zardaptarǵa ákelse, jazanyń merzimi bes jyldan on jylǵa deıin ulǵaıady. Al eger áreket zorlyq-zombylyqpen, kámeletke tolmaǵandarǵa qatysty, táýeldiligin paıdalaný arqyly, adamdar tobymen nemese qyzmet babyn paıdalanyp jasalsa, qatań jaza kózdelgen.
Zańdaǵy bul túzetýler ásirese áıelder men jasóspirimder sııaqty osal toptardy qorǵaýǵa jáne nekege májbúrleýdiń aldyn alýǵa baǵyttalǵan.
