Foto: Azattyq Rýhy / Batyrjan Bespaev
Birinshi kezeńde ol alıment tólemderin óndirip alý týraly atqarýshylyq qujattar boıynsha zańdy túrde boryshkerlerdiń jalaqysynan somalardy ustap qalý týraly qaýly shyǵaryp, jumys berýshilerge jibergen.
Boryshkerlerdiń jumys berýshilerinen aqsha túskennen keıin aqshanyń kóp bóligin ózine qaldyryp, qalǵanyn alıment óndirip alýshylarǵa aýdarǵan.
Bir jaǵdaıda sot oryndaýshysy boryshkerdiń jalaqysynan alıment óndirip alýdy 2025 jyldyń sáýir aıynan bastaǵan.
Jumys berýshi sáýir aıynan maýsym aıyna deıin jeke sot oryndaýshysynyń shotyna 570 myń teńgeden astam somaǵa alıment tólemderin aýdarǵan. Al sot oryndaýshysy alynǵan somanyń 170 myń teńgesin ǵana óndirip alýshyǵa aýdaryp, qalǵanyn jymqyrǵan.
Tekserý kezinde kúdiktiniń osyǵan uqsas shemany birneshe ret qoldanyp, 2 mln teńgeden astam somany qoldy etkeni belgili bolǵan.
Taldyqorǵan qalasynyń prokýratýrasy ókilettigin asyra paıdalaný faktileri boıynsha jeke sot oryndaýshysyna qatysty Qylmystyq kodekstiń 251-babymen sotqa deıingi tergep-tekserýdi bastaǵanyn habarlady.
