«Sherzattyń atymen kóshe atańyzdar. Qan tógilgen, 16 jasar bozbalanyń ómiri qıylǵan jerdegi kósheler áli kúnge deıin Mendeleev pen Rýstavelı esimin ıelenip tur. Olar Talǵardyń nemese Qazaqstannyń damýyna úles qosqan tulǵalar emes. Bul – keńestik kezeńnen qalǵan ataýlar. Sondyqtan men Talǵar ákimi Arystanǵa usynys bildirip, Mendeleev kóshesin Sherzattyń atyna berýdi suradym», dep jazdy advokat Instagram paraqshasynda.
Onyń aıtýynsha, qala ákimi usynysty qarastyryp, qoldaý bildirýge daıyn ekenin jetkizgen. Shekeev keıinnen bul bastamany ne sebepti kótergenin tolyq túsindiretinin de atap ótti.
Eske sala keteıik, Sherzat Bolattyń ólimi 4 qazanǵa qaraǵan túni oryn alyp, qoǵamda úlken rezonans týdyrǵan edi. Alǵashynda polısııa barlyq kúdiktilerdiń ustalǵanyn habarlaǵan, alaıda keıin marqumnyń ata-anasy qylmysqa qatysqan ózge adamdardyń bostandyqta júrgenin málimdedi.
Qazirgi ýaqytta bul másele jergilikti bılik deńgeıinde talqylanyp jatyr. Ákimdiktiń resmı jaýaby aldaǵy ýaqytta belgili bolady.
