Prezıdent «103», «109», «112» jedel qyzmetterin ortaq platformaǵa toptastyrǵan I-Komek biryńǵaı baılanys ortalyǵynyń jumysymen tanysty.
Digital Aqmola jobasy kólik, turǵyn-úı kommýnaldyq sharýashylyǵy, qaýipsizdik, ekologııa jáne densaýlyq saqtaý sııaqty negizgi salalarǵa ortalyqtandyrylǵan monıtorıng júrgizedi.
Sonymen qatar Memleket basshysyna júzege asyrylyp jatqan ınvestısııalyq jáne áleýmettik jobalar jóninde baıandaldy
Oblys ákimi Marat Ahmetjanov «Dıhan-Plıýs» sharýa qojalyǵynyń tájirıbesi negizinde agrarlyq salaǵa jasandy ıntellektini engizý boıynsha pılottyq joba iske qosylǵanyn aıtty. Sonyń nátıjesinde ónimdilikti arttyratyn, kásiporynnyń kirisin ulǵaıtatyn jáne bıýdjetke qosymsha tabys ákeletin agrotehnıkalyq sheshimder ázirlendi. Osy júıeni Aqmola oblysyndaǵy sharýa qojalyqtarǵa keńinen taratý josparlanyp otyr.
Qasym-Jomart Toqaevqa ınvestısııa tartý, óńdeý, agroónerkásip kesheni men qurylys salasynda jańa jobalardyń qolǵa alynǵany jóninde málimet berildi.
Memleket basshysyna áleýmettik turǵydan az qamtylǵan otbasylarǵa baspana berý, Kókshetaýda jańa JEO qurylysyn salý, oblys ortalyǵy men basqa da eldi mekenderdi sýmen jáne jylýmen qamtamasyz etý, medısınalyq, sporttyq nysandar qurylysyn júrgizý, ınfraqurylymdy damytý sharalary jaıynda baıandaldy.
